Bileran, POCTEFAk enplegu eta prestakuntza ildoetan  lagundutako eta deitutako erakundeek parte hartzen ari dugun proiektuak aztertu dira.

Horretarako, egiaztatu da ENPLEGU proiektuak, Pirinioen bi aldeetako egoeraren diagnostiko komuna egiteaz gain, mugaz gaindiko enplegu horretan aurrera egiteko oztopoak eta hura indartzeko beharrezko tresnak identifikatu dituela: kotizazioak eta eskubideak elkarri aitortzea, etab.

Bestalde, gure TRANSLANEKIN proiektua etengabeko prestakuntzara bideratuta dago, eskulan kualifikatuaren faltagatik tentsioan dauden sektore jakin batzuetan lan egin nahi duten pertsonei lagunduz. Hala, gure proiektuan prestakuntza eta hobekuntza jarduerak abian jartzea planteatzen da, langileei lana bilatzen laguntzeko, enpresen eta langabetuen arteko lan-bitartekotza egiteko, lan-orientaziorako, etab. Guztia esparru geografiko oso zehatz batean. 

Azkenik, FORMANAEM proiektua lanbide-heziketako titulazioak elkarren aitortzen esperimentaziora bideratuta dagoela eta sektore oso zehatz batzuetan zentratzen ari dela adierazi da: automobila, administrazio-kudeaketa, etab.

Aintzatespen komun horretatik abiatuta, proiektuen arteko sinergiak eta osagarritasunak jasota uztea eta proiektu bakoitzaren esparruan garatzen diren tresnak komunikatzeko eta elkarri aprobetxatzeko dinamikekin aurrera egitea adostu da.

Share This